රනිල් වික්‍රමසිංහ ඇප මත නිදහස් කෙරේ..

 

සම්පූර්ණ පුවත කියවන්න පහත "පුවත කියවන්න" බොත්තම ඔබන්න..

අපරාධ පරීක්ෂණ දෙපාර්තමේන්තුව (CID) විසින් අද (2025 අගෝස්තු 22) අත්අඩංගුවට ගනු ලැබූ හිටපු ජනාධිපති රනිල් වික්‍රමසිංහ මහතා ඇප මත මුදා හැරීමට කොළඹ මහේස්ත්‍රාත් අධිකරණය නියෝග කර ඇත.

මුල්‍ය අපරාධ කොට්ඨාශය විසින් අත්අඩංගුවට ගැනීමෙන් පසු අධිකරණය ඉදිරිපත් කිරීමෙන් අනතුරැව මෙම නියෝගය ලබා දුන්නේය.

හිටපු ජනාධිපති රනිල් වික්‍රමසිංහ මහතා අපරාධ පරීක්ෂණ දෙපාර්තමේන්තුව (CID) විසින් අත්අඩංගුවට ගත්තේ පැය හතරහමාරකට ආසන්න කාලයක් ප්‍රකාශ සටහන් කර ගැනීමෙන් පසුවය.

අපරාධ පරීක්ෂණ දෙපාර්තමේන්තුව හමුවේ ප්‍රකාශයක් ලබා දීම සඳහා හිටපු ජනාධිපතිවරයා අද පෙරවරු කැඳවීම සිදු කරන ලද්දේ ඔහුගේ ජනාධිපති ධුර කාලය තුළ සිදු කළ විදේශ සංචාරයක් පිළිබඳව කෙරෙන විමර්ශනයකට අදාළවය.

විමර්ශනයට භාජනය වී ඇත්තේ නිව්යෝර්ක් නුවර පැවති නිල සංචාරයකින් පසු ලන්ඩනයේ විශ්වවිද්‍යාලයක උපාධි ප්‍රදානෝත්සවයකට සහභාගී වීම සඳහා එංගලන්තයට ගිය ගමනකි.

මෙම සිදුවීම සම්බන්ධයෙන්, හිටපු ජනාධිපතිවරයාගේ ලේකම්වරයා ලෙස කටයුතු කළ සමන් ඒකනායක මහතාගෙන් සහ පෞද්ගලික සහකාර සැන්ඩ්‍රා පෙරේරා මහත්මියගෙන්ද අපරාධ පරීක්ෂණ දෙපාර්තමේන්තුව මීට පෙර ප්‍රකාශ සටහන් කරගෙන තිබේ.