සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
රක්ෂිත බන්ධනාගාරගත කර සිටින හිටපු ජනාධිපති රනිල් වික්‍රමසිංහ මහතා මේ මොහොතේත් දැඩි සත්කාර ඒකකයේ (ICU) වෛද්‍ය ප්‍රතිකාර ලබමින් සිටී.
ඔහුගේ සෞඛ්‍ය තත්ත්වය පිළිබඳව විශේෂඥ වෛද්‍යවරුන් පස් දෙනෙකුගෙන් සමන්විත කමිටුවක් විසින් අද (25) පස්වරුවේ විශේෂ වාර්තාවක් භාර දී තිබේ.
කොළඹ ජාතික රෝහලේ නියෝජ්‍ය අධ්‍යක්ෂවරයා වන වෛද්‍ය රුක්ෂාන් බෙල්ලන මහතාට අනුව, එම වාර්තාවෙන් පෙන්වා දී ඇත්තේ හිටපු ජනාධිපතිවරයාගේ සෞඛ්‍ය තත්ත්වය තවමත් සෑහීමකට පත්විය හැකි මට්ටමකට සුව වී නොමැති බවයි.
එබැවින්, එම විශේෂඥ වෛද්‍ය කණ්ඩායම නිර්දේශ කර ඇත්තේ ඔහු තවදුරටත් දැඩි සත්කාර ඒකකයේම රැඳී සිටිය යුතු බවයි.
මෙම වෛද්‍ය තත්ත්වය හමුවේ වුවද, රාජ්‍ය මුදල් අවභාවිතය සම්බන්ධයෙන් අත්අඩංගුවට ගෙන රක්ෂිත බන්ධනාගාරගත කරනු ලැබූ හිටපු ජනාධිපති වික්‍රමසිංහට එරෙහි නඩුව හෙට (26) දින යළි කැඳවීමට නියමිතව ඇත.
බන්ධනාගාර මාධ්‍ය ප්‍රකාශක, බන්ධනාගාර කොමසාරිස් ජගත් වීරසිංහ මහතා ප්‍රකාශ කළේ, වෛද්‍ය නිර්දේශය අනුව හිටපු ජනාධිපතිවරයාට දැඩි සත්කාර ඒකකයෙන් පිටතට ගෙන යාමට තවදුරටත් නොහැකි බවට සඳහන් වන්නේ නම්, නඩු කටයුතු සඳහා ඔහුව රැගෙන යාමට හැකියාවක් නොමැති බවයි.
0 Comments