දියවඩන නිලමේට අල්ලස් චෝදනා පැමිණිලි කෙරේ..

 

සම්පූර්ණ පුවත කියවන්න පහත "පුවත කියවන්න" බොත්තම ඔබන්න..

චාමර පල්ලේගෙදර

මහනුවර ශ්‍රී දළදා මාලිගාවේ දියවඩන නිලමේවරයා තෝරාගැනීමේ ක්‍රියාවලියේදී විශාල මුදල් ප්‍රමාණයක් අල්ලස් ලෙස ලබා දෙන බව පවසමින් ඒ පිළිබඳව විමර්ශනයක් සිදු කරන ලෙස සිවිල් බුද්ධි පෙරමුණ විසින් අල්ලස් හෝ දූෂණ චෝදනා විමර්ශන කොමිෂන් සභාවෙන් ඉල්ලීමක් කර ඇත.

එම පෙරමුණේ කැඳවුම්කරු සංජය මහවත්ත විසින් අදාළ ඉල්ලීම ලිඛිතව සිදු කර තිබේ. එමගින් ඔහු සඳහන් කරන්නේ මහනුවර ශ්‍රී දළදා මාලිගාවේ වත්මන් දියවඩන නිලමේවරයාම සිටි යුතුයි යන පදනම මත විවිධ පාර්ශ්වයන් සඳහා අල්ලස් ලබා දී බලපෑම් එල්ල කරන බවට වාර්තා වන බැවින් ඒ පිළිබඳව නිසි විමර්ශනයක් අවශ්‍ය බවයි.

තවද, දළදා මාලිගාවේ ආදායම් වියදම් වාර්තා වසර හයකින් පමණ බෞද්ධ කටයුතු කොමසාරිස්වරයාට යවා නොමැති බවද පැවැසූ හෙතෙම අල්ලස් හෝ දූෂණ චෝදනා විමර්ශන කොමිෂන් සභාවට අදාළ ලිඛිත ඉල්ලීම සිදු කර මාධ්‍ය වෙත අදහස් දක්වමින් හෙතෙම මෙසේද කීවේය.

‘‘මහනුවර ශ්‍රී දළදා මාලිගාවේ දියවඩන නිලමේවරයා තෝරා ගැනීම සඳහා බුලත් දීපු අපේක්ෂකයන් අටදෙනෙක් පමණ මේ වනවිට ඉන්නවා. ඉතින් ඔබ නොදන්නා කාරණාව තමයි මහනුවර ශ්‍රී දළදා මාලිගාවේ දිනක ආදායම රුපියල් ලක්ෂ 25ක් පමණ වෙනවා. එලෙස ලැබෙන ආදායම නිසිලෙස කළමනාකරණය කිරීමට මල්වතු හා අස්ගිරි පාර්ශ්වය වෙනුවෙන් සහ බුදුදහමේ චිරස්ථිතිය වෙනුවෙන් තමයි මේ මුදල් යොදවන්නේ. මෙම මුදල් යෙදවීමට සහ වාම ධාතුවේ ආරක්ෂකයා විදියට තමයි දියවඩන නිලමේවරයා පත් වෙන්නේ. ඒ නිසා එම තනතුරට යම් තරගයක් ඇති වෙලා තියෙනවා. ඒ වගේම ඡන්දදායකයන් 270කට අධික ප්‍රමාණයක් ඡන්දය ලබා දීම සඳහාත් සුදානමින් ඉන්නවා.

කනින් කොනින් ලැබෙන ආරංචි අනුව අපිට පෙනී යනවා අති විශාල මුදල් ප්‍රමාණයක් ඡන්ද අල්ලස් ලබා ගැනීම සඳහා යෙදවෙන බව. ඉතින් මේක තියුණු සටනක් බවට පත් වෙලා තියෙනවා. ඒ නිසා මේ ඡන්දය අවසන් වනතෙක් දෙසැම්බර් මුල් සතිය වනතුරු මේ සියලුම ඡන්දදායකයන් සහ අපේක්ෂකයන් පිළිබඳව නිසි විමර්ශනයක් කරන්න කියලා අල්ලස් හෝ දූෂණ විමර්ශන කොමිෂන් සභාවෙන් ඉල්ලනවා. පැෆ්රල් වගේ සංවිධාන තියෙනවා ඡන්ද නිරීක්ෂණය කරන්න. හැබැයි දළදා මාලිගාවේ මේ ඡන්දය නිරීක්ෂණය කරන්න කිසිවෙක් නැහැ. මේ ඡන්දය නිරීක්ෂණයට යම් පාර්ශ්වයක් මැදිහත් විය යුතු වෙනවා. අඩුම තරමින් අල්ලස් ලබා ගැනීමක් සහ ලබා දීමක් සිදු වෙනවද කියලා හරි

Aruna