වැලිගම ප්‍රාදේශීය සභාවේ සභාපති ඝාතනයේ මුළු කොන්ත්‍රාත් මුදල රුපියල් ලක්ෂ 15 යි..

 

සම්පූර්ණ පුවත කියවන්න පහත "පුවත කියවන්න" බොත්තම ඔබන්න..

වැලිගම ප්‍රාදේශීය සභාවේ සභාපති ලසන්ත වික්‍රමසේකර මහතා ඝාතනය කිරීම සඳහා වෙඩික්කරුට ලබා දුන් රුපියල් ලක්ෂ 15 ක මුදලින් රුපියල් ලක්ෂ 12ක් ඔහුගේ බිරිඳ සතුව තිබියදී විමර්ශන නිලධාරීන් විසින් සොයා ගෙන ඇත.

ලසන්ත වික්‍රමසේකර මහතාගේ ඝාතනය ඩුබායි සිට මෙහෙයවා ඇති අතර ඒ වෙනුවෙන් කොන්ත්‍රාත්කරුට ලබා දී ඇති සම්පූර්ණමුදල රුපියල් ලක්ෂ 15ක් බවත් ඝාතනය සිදුකිරීමට පෙර එම සම්පූර්ණ මුදල වෙඩික්කරු වෙත ලබා දී ඇති බවත් අනාවරණයේ වී තිබේ.

මහරගම නාවින්න ප්‍රදේශයේදී ඊයේ අත් අඩංගුවට ගත් වෙඩික්කරු ලසන්ත ඝාතනය සම්බන්ධ සියලු තොරතුරු විමර්ශන නිලධාරීන් හමුවේ අනාවරණය කර ඇත. ඒ අනුව මෙම ඝාතනය ඩුබායි සිට මෙහෙයවා ඇති අතර මිදිගම රුවන්ගේ හා චූටිගේ නැමැති අයගේ සමීපතම හිතවතකු විසින් ඝාතන කොන්ත්‍රාත්තුව වෙඩික්කරුට ලබා දී ඇති බව අනාවරණය වී තිබේ.

ලසන්ත වික්‍රමසේකර ඝාතනය කිරීමෙන් පසු වෙඩික්කරු සහ යතුරුපැදිකරු වැලිගම සිට එකම යතුරුපැදියේ නැගී පැමිණියත් අතරමගදී වෙඩික්කරු වෙනත් යතුරු පදියක් ලබාගෙන ඇති බව හෙළි වී ඇත.

ඒ අනුව වෙඩික්කරු අතරමගදී සිය බිරිඳව යතුරුපැදියේ නංවාගෙන වැල්ලවාය. බිබිල. පසුකරමින් පැමිණෙන මහියංගනය ආසන්නයේදී ලසන්ත ඝාතනය සඳහා යතුරුපැදිය පැදවූ පැදිකරු සිය යතුරුපැදිය සඟවා තිදෙනාම වෙඩික්කරුගේ යතුරුපැදියේ නැගී අතුරු මාර්ග ඔස්සේ කැකිරාව දක්වා පැමිණ ඇති බව විමර්ශනවලින් අනාවරණය කරගෙන තිබේ.

අනතුරුව වෙඩික්කරු ඊයේ උදෑසන කැකිරාවේ සිට පිටකොට්ටුව ප්‍රදේශයට පැමිණ ඇති අතර එහිදී ඔහු අයිස් මත්ද්‍රව්‍ය සොයමින් සිටි බවටත් බොරැල්ල නාරාහෙන්පිට. කොටාරෝඩ්.වැනි ප්‍රදේශවල අයිස් මත්ද්‍රව්‍ය සොයා පැමිණ ඇති බවටත් විමර්ශන නිලධාරීන් කරුණු අනාවරණය කරගෙන ඇත.

අනතුරුව වෙඩික්කරෝ දක්ෂිණ අධිවේගී මාර්ගය ඔස්සේ මාතර දෙසට යෑම සඳහා කොට්ටාවට පැමිණි අවස්ථාවේ ඩුබායි වලින් ලැබුණ දුරකථන පණිවුඩයකට අනුව අලුතින් ජංගම දුරකථනයක් ලබා ගැනීම සඳහා නාවින්න ප්‍රදේශයට පැමිණ ඇති බව පොලිසිය පවසයි.

නාවින්න ප්‍රදේශයේ දුරකථන වෙළඳසැලකින් ජංගම දුරකථනයක් මිලදී ගනිමින් සිටියදී බුද්ධි අනුස නිලධාරියකු ඔහුව අත්අඩංගුවට ගැනීමට සූදානම් වූ අවස්ථාවේ එම ස්ථානයෙන් පලා ගොස් ඇති වෙඩිකරු දැඩි පරිශ්‍රමයක් යොදා ප්‍රදේශවාසීන්ගේද සහයෝගය ඇතිවය බුද්ධි නිලධාරියාව සිංහලෙන් අත්අඩංගුවට ගෙන ඇත.

අත්අඩංගුවේ පසුවන වෙඩිකරුගෙන් ලසන්ත ඝාතනයට අදාළ තොරතුරු මෙන්ම තවත් අපරාධ රැසක් සම්බන්ධ තොරතුරු අනාවරණය කරගනිමින් සිටින බව එහි පොලිස් නිලධාරියා වැඩිදුරටත් පැවසීය