මාලිමා ආණ්ඩුව හෝදන්න ගිය නළු රන්ජන් හොඳවායින් අහගනියි..

 

සම්පූර්ණ පුවත කියවන්න පහත "පුවත කියවන්න" බොත්තම ඔබන්න..

ප්‍රවීණ රංගන ශිල්පියෙකු මෙන්ම හිටපු අමාත්‍යවරයෙකු වන රන්ජන් රාමනායක , වත්මන් රජය කෙරෙහි තමාගේ විශ්වාසය සියයට සියයක්ම පවතින බව පවසයි.

කෙසේ වෙතත්, සමාජ මාධ්‍ය ක්‍රියාකාරීන් ඔහුට දැඩි විවේචන එල්ල කරමින් සිටියි.

මාධ්‍යවේදීන් සමඟ අදහස් දක්වමින් රන්ජන් රාමනායක ප්‍රකාශ කළේ, යකෙක් හෝ පැමිණ මේ රට ගොඩනඟන්නේ නම් ඊට සහයෝගය දෙන බවයි.

ඔහු පෙන්වා දෙන පරිදි, අනෙකුත් රජයන් හා සැසඳීමේදී වත්මන් පාලනය පෙරළා දැමීමට තරම් වරදක් කර නොමැත.

ඒ මහතා අවධාරණය කරන්නේ, මේ වන විට දූෂණය අවම මට්ටමක පවතින බවයි.

යහපාලන සමයේදී පවා මහ බැංකු සිද්ධියක් වූ බව සිහිපත් කරන ඒ මහතා, වත්මන් ආණ්ඩුවේ යම් සුළු වැරදි තිබුණද ඒවා සාපරාධී මට්ටමේ දේවල් නොවන බවද ඔහු පවසයි.

කෙසේ වෙතත්, රන්ජන් රාමනායක ගේ මෙම ප්‍රකාශයන් සමාජ මාධ්‍ය ක්‍රියාකාරීන් විසින් බැහැර කරමින් සිටියි.

ඔවුන් පවසන්නේ දේශපාලනඥයකු ලෙස රන්ජන් රාමනායක මෙතෙක් කළ රංගනය හොඳටම ප්‍රමාණවත් බවයි.

ඔහු සමඟ දේශපාලනය කළ සිවිල් ක්‍රියාකාරීන් පවා අමාරුවේ වැටුණු බවත්, දැන්වත් “රෑ දනියෙල් දවල් මිගෙල්” දේශපාලනය නොකර දන්න රංගනයක් කරගෙන සිටින ලෙසත් සමාජ මාධ්‍ය ක්‍රියාකාරීන් අවධාරණය කරයි.

රටේ ජනතාවගේ ඉරණම තීන්දු කරන දේශපාලනය යනු “නළුවන්ගේ තෙල් මන්ද දියවෙන තුරු ලගින්න ඇති ගවගාලක් නොවන” බව පවසන එම ක්‍රියාකාරීන් වැඩිදුරටත් සඳහන් කරන්නේ, වත්මන් ආණ්ඩුව සම්බන්ධව අවසන් තීරණය ජනතාව කිරාමැන බලා ගනු ඇති බවත්, අවශ්‍ය නම් එවිට රන්ජන්ටද ආණ්ඩුව සමඟ හිටගැනීමට හැකි බවත්ය.